Caballero insístelle a Feijóo que lea ben o que pasou o 24M

O alcalde de Vigo, Abel Caballero, insistiu en que Feijóo debe “ler moi ben” o ocorrido nas eleccións do 24 de maio, “polo ben de Galicia e do seu propio partido”, e advertiulle de que non “minimice” nin “trivialice” a reunión que o rexedor lle solicitou.

Nunha rolda de prensa, Caballero subliñou a importancia da entrevista que lle solicitou ao presidente da Xunta, e lembrou a Feijóo que, nos pasados comicios, os cidadáns “xa lle deron o aviso”.

“Pero temo que a súa aversión cara a Vigo sexa tal, que non sexa capaz de ler ese aviso, que estea instalado na soberbia”, apuntou, e engadiu que “el verá o que fai”.

O rexedor sinalou que espera pola resposta oficial a esa petición de reunión e expresou a súa confianza en que Feijóo non a expoña en termos de “confrontación”, porque o “ánimo” do alcalde “non é ese”. “Que sexa consciente do que Vigo lle dixo, que o lea moi ben, polo ben de Galicia e do seu propio partido”, repetiu.