Belén do Campo visita en Madrid os expositores da Semana gastronómica de Galicia

Belén do Campo na visita ao stand

A delegada territorial da Xunta na Coruña, Belén do Campo, visitou os expositores da Semana Gastronómica de Galicia en Madrid acollidos dentro do espazo gastronómico Platea. Do Campo aproveitou para saudar aos catro cociñeiros que representan á provincia: Moncho Bargo, da Coruña, Pablo Fuentes e Alberto Rodríguez, de Ferrol, e Alberto Lareo Peiteado, de Santiago.

Durante esta semana, o espazo gastronómico acollerá aos cociñeiros gañadores dos certames que aglutinou o programa De Tapas por Galicia que se celebrou o ano pasado nas sete cidades galegas. Os cociñeiros da nosa provincia, ao igual que os do resto da comunidade, elaborarán a súa tapa gañadora para que os visitantes poidan degustala.

Trátase dunha iniciativa promovida por Turismo de Galicia co fin de dar a coñecer as fortalezas de Galicia, como son os produtos autóctonos e a súa gastronomía.