As testemuñas do rescate do siareiro coruñés ‘Jimmy’ declararon no ver aos seus agresores

Varias testemuñas presenciais do rescate de Francisco Javier Romero Taboada, ‘Jimmy’, o siareiro coruñés dos Riazor Blues que morreu o pasado novembro tras ser botado ao río Manzanares, declararon ante o instrutor da investigación que non viron os seus agresores da Fronte Atlética.

Así o manifestaron no seu testifical ante o xuíz de Instrución número 20 de Madrid, quen trata de identificar os autores da agresión despois de que quedaran libres catro das persoas que foron encarceradas como posibles autores.

Ante o maxistrado, desfilou un dos vixilantes de Madrid Río que se atopaba nos arredores do lugar onde se produciu a pelexa. Viu como unha das persoas que foron botadas ao río saíu polo seu propio pé, mentres que a outra foi rescatada polos bombeiros, estando inconsciente.

Outro das testemuñas, un dos que chegou a gravar un dos vídeos que obra na causa, viu como ‘Jimmy’ estaba inconsciente boca abaixo flotando no río, sendo rescatado polos efectivos dos bombeiros.

Tamén declarou o empregado dun bar situado xusto en fronte onde se produciron os feitos. Segundo a súa versión, había dous grupos que chegaron á zona e a enfrontando, confirmando que efectivamente se trataba dunha liorta entre dúas bandas rivais.

As comparecencias continuarán o próximo 18 de xuño con declaracións de máis persoas que presenciaron os feitos tras a liorta que se produciu nos arredores do Vicente Calderón entre siareiros dos Riazor Blues e da Fronte Altélico. Unha vez que conclúa esta fase, tomarase declaración ás persoas que non puideron comparecer as datas sinaladas.

OUTROS TESTEMUÑOS

Hai unhas semanas, os efectivos do Samur manifestaron que a vítima estaba inconsciente cando o sacaron do río e non en parada cardiorrespiratoria á súa chegada, tal e como se pensaba ata entón.

Estes sanitarios atenderon a ‘Jimmy’, que faleceu pouco despois, e a Santiago, outro dos siareiros dos Riazor que foi botado ao río polos ultras da Fronte Atlética.