Amplíase ata o xoves 25 o prazo de inscrición do III Campus Obradoiro CAB – Barbanza

Os nenos que queiran apuntarse ao III Campus Obradoiro CAB – Barbanza terán ata o vindeiro xoves 25 ás 14 horas para facelo. A inscrición poderá facerse a través da nosa web ou nas nosas oficinas (Multiusos Fontes do Sar – Rúa Diego Bernal S/N). O Campus, que se realizará entre o 27 de xuño e o 1 de xullo, contará coa dirección de Pablo Vázquez e Dan Petts no apartado técnico. Está dirixido para xogadores de entre 5 e 18 anos e contará con actividades complementarias ao baloncesto a pé de praia, ademais de visitas de xogadores do persoal de Liga Endesa do Rio Natura Monbus Obradoiro, así como máis sorpresas.

Entre os obxectivos do Campus estarán dar unha aprendizaxe de forma divertida para os máis pequenos e un proceso de tecnificación para os máis maiores, ademais da convivencia e a experiencia compartida cos demais xogadores durante os cinco días que dura o Campus. 

Mañá, martes 23 de xuño, a actividade será presentada no Concello de Boiro ás 13 horas coa presenza de Juan José Dieste, Alcalde de Boiro, Manuel Romero, concelleiro de Deportes do Concello de Boiro, Óscar Rodríguez, conselleiro do Rio Natura Monbus Obradoiro e administrador solidario de Espiña & Delfín e José Luís Mateo, director xeral do club.