Actividades lúdicas e culturais para o fin de semana en Muxía
O vindeiro sábado, ás 20:00 h, temos na Biblioteca Municipal de Muxía a María Lado e Lucía Aldao co espectáculo “Con dez poemas por barba”. Esta actuación está incluida dentro do programa Ler Conta Moito, da Rede de Bibliotecas de Galicia. Mentres, o vindeiro domingo, 21 de xuño, chega a Muxía o concerto “Estamos no verán!”, de Xoan Curiel e Son+d2. Un espectáculo para público familiar e infantil. A actuación será na praza Cabo da Vila, ás 20:30 h. e é unha actuación que pertece ao programa de dinamización lingüística FalaRedes.