A Praza Horta do Seminario acolle a II Feira de Cervexas Artesás Galegas do 4 ao 7 de xuño

A Concellería de Cultura, Turismo, Xuventude e Promoción da Lingua, dirixida en funcións por Carmen Basadre, informa que esta próxima fin de semana terá lugar a II Feira da Cervexa Artesá, organizada pola Asociación Galega de Cervexeiros Artesáns, e que pretenden dar a coñecer un produto elaborado de xeito artesanal bastante descoñecido.

Así, os días 4, 5, 6 e 7 na Praza Horta do Seminario, instalaranse 15 cervexeiros artesáns de toda Galicia, principalmente da provincia de Ourense e Pontevedra, que farán degustación e venderán as súas producións de cervexa elaborada de forma artesanal e con produtos naturais.

Ademais tamén se realizarán unha serie de actividades cultural entorno a esta evento, como cursos para aprender a elaborar a cervexa na casa, charlas informativas, degustacións, venda de produtos, música e premios ás cervexas mellor valoradas. Os horarios das Feira serán o xoves de 18 a 00:30 horas, o venres e sábado de 12 a 00.30 e o domingo de 12 a 22.30 horas.

As persoas que se acheguen van a poder descubrir unha serie de matices e posibilidades nas cervexas e experimentar novos sabores da cervexa feita de maneira artesanal respetando os tempos de maduración.

Os cervexeiros artesáns que participan son Cervexa Áncora (Ourense), Cervexa Dama Alaricana (Allariz), Cervexa Trisk-Ale (Nigrán), Cervexa Aloumiña (Lugo), Cervexa Bubela (Lugo), Cervexa Faxilda (Lugo), Cervexa A Cova da Serpe (Lugo), Cervexa Saramagal (Barro), Cervexa Santo Cristo (Ourense), Cervexa Starla Cantinas (Ourense), Cervexa Suevia (Vilagarcia de Arousa), Cervexa Ouren-Beer (Ourense), Cervexa Menduíña (Cangas), Cervexa Morriña (Quiroga) e Cervexa Vacaloura (Nigrán).

O programa de actividades é o seguinte:

Xoves 4 de xuño,

18:00 horas inauguracióndo evento.

20:30 horas concurso a etiqueta máis orixinal da Feira.

21:00 horas, concerto de música do grupo SOUVENIR.

Venres 5 de xuño

12:00 horas apertura da Feira.

13:00 horas Curso de elaboración de CERVEXA ARTESÁ gratuito(máximo 20 persoas). Para participar envíar e-mail cos datos persoais indicando “venres”a : cursodecervexa@gmail.com

21:00 horas concurso da mellor cervexa da Feira por cata dos visitantes.

22:00 horas concerto de música o cargo de grupo BLUE MONK.

Sábado 6 de xuño

12:00 horas apertura da Feira.

13:00 horas Curso de elaboración de CERVEXA ARTESÁ  gratuito (máximo 20 persoas), para participar envíar e-mail cos datos persoais indicando “sábado” a cursodecervexa@gmail.com  

22:30 horas Concerto de música a cargo do grupo de versións  BLUE MONK

Domingo 7 de xuño

12:00 horas apertura da feira.

13:30 horas, maridaxe con queixos.

20:00 horas concerto de música do grupo MYTHICAL FAIL.

22:00 horas , entrega de premios

22:30 horas clausura da Feira.