A oficina de turismo da Alameda abre este martes a tempada de verán

A oficina de turismo situada na praza da Alameda, abrirá a tempada de verán este martes, 2 de xuño, para atender a todos os visitantes que se acheguen á vila carballiñesa. A oficina estará aberta de luns a venres, en horario de 10:30 a 13:30 e de 17:00 a 20:00 horas, e os sábados domingos e festivos dende as 10:00 ata as 14:00 e de 17:00 a 20:00 horas.

Dúas técnicas de turismo serán as encargadas de xestionar esta oficina, que estará dotada de toda a información que o visitante precise para coñecer os puntos turísticos máis destacables da vila, ou municipio e a bisbarra.

Esta oficina entrará a funcionar dende este martes ata finais do mes de setembro, grazas a colaboración da Xunta de Galicia a traveso da Axencia de Turismo de Galicia.