A escultura dun soldado romano en ferro elaborada no Arde Lvcvs instálase na ponte romana

Lugar no que permanecerá a estatua

A escultura en ferro dun soldado romano elaborada durante os días da celebración do Arde Lvcvs no campamento dos artesáns, instalado na Praza da Constitución, xa loce na ponte romana da cidade, onde foi instalada na mañá deste luns por operarios municipais en colaboración cos propios autores da peza e baixo a supervisión da concelleira Carmen Basadre.

Jordi Illamola e Sergi Xifró, de Xirona, son os ferreiros que fixeron a escultura, que queda exposta na entrada da ponte.