A Coral Polifónica Ventos do Val suspende o Concerto Xuntanza Coral

A Coral Polifónica Ventos do Val informa da suspensión do seu Concerto Xuntanza Coral que estaba previsto celebrar o vindeiro domingo 5 de xullo ás 19.00 horas no auditorio do centro Multiusos das Pozas, parroquia de Petelos.

A Coral Ventos do Val pide por este motivo desculpas a tódolos amantes do canto coral que tivesen previsto asistir ó concerto do domingo e anuncia que a nova data de celebración do mesmo farase pública tan pronto como sexa fixada.

Os obxectivos e ilusións máis inmediatos de Ventos do Val son mellorar o seu repertorio e conveniar con agrupacións corais doutros municipios todo tipo de intercambios que enriquezan culturalmente a ambas partes.