A aula de ecoloxía urbana de Ferrol organiza un novo obradoiro para fabricar deterxente en po para lavadora

A Aula de Ecoloxía Urbana do Concello de Ferrol ten en marcha o seu novo obradoiro para adultos, que consiste nesta ocasión en aprender a facer deterxente en po pasra a lavadora. Terá lugar os vindeiros días 6 e 7 de xuño, e se pode escoller entre ir un ou outro día, xa que se fará a mesma actividade os dous días para darlle posibilidade a máis xente de asistir.

Como sempre, esta actividade é totalmente gratuíta; e a Aula de Ecoloxía Urbana aportará todo o material necesario, ainda que se recomenda aos participantes levar mandil e guantes. O horario en que se desenvolverá o obradoiro é de 17:15 a 18:30 horas. A data límite de inscrición é mañá xoves día 4 de xuño. O contacto coa Aula de Ecoloxía Urbana é o enderezo electrónico auferrol@mundo-r.com ou o número de teléfono: 981 944 222.