A Asociación Rutas a Cabalo organiza o I Evento Cabalar en Costoias

A Asociación Rutas a Cabalo, coa colaboración do Concello de Mos, AA. CC. San Martín de Tameiga, Hípica Marcos e Lino Ferrador, organiza o I Evento Cabalar no recinto do que a Asociación Cultural San Martín de Tameiga dispón en Costoias.

Esta xuntanza celebrarase o vindeiro domingo, día 7 de xuño, contando co seguinte programa: ás 10.00 horas ruta cabalar polos montes do contorno de Costoias con avituallamento para os participantes, ás 11.00 horas paseos en pony para nenos e nenas e en carro de cabalos para os adultos, ás 14.00 horas xantar campestre ó prezo de 10 euros con reserva anticipada e 12 euros sen reserva previa, ás 16.30 horas proba de habilidade para maiores con premios de 100 euros, 50 euros, 30 euros, un saco de pienso, un saco de avea e, para o último clasificado, unha consumición gratis. Para os máis pequenos realizarase unha gymkhana con agasallos.