Verín acolle os concertos didácticos do Conservatorio Elemental de Música

Profesores e alumnos do Conservatorio Elemental de Música de Verín ofrecerán dous concertos didácticos o martes día 26 nos que está previsto que participen como espectadores medio milleiro de alumnos de Primaria do CPR Plurilingüe María Inmaculada, CEIP Amaro Refojo, CEIP Princesa de España, CEIP de Castrelo do Val, CEIP de Oímbra e CRA Monterrei.

Os concertos, que se celebrarán no salón de actos do CPR Multilingüe María Inmaculada, teñen como obxectivo presentarlle aos participantes a sonoridade e a mecánica dos instrumentos que se estudan no Conservatorio Elemental de Música de Verín.

O centro ofrece ensino oficial para nenos de idades comprendidas entre 8 e 14 anos nas especialidades de clarinete, frauta travesa, guitarra, piano, saxofón, trompeta, viola e violín.

Para nenos de  6 e 7 anos, o Conservatorio organiza un curso non oficial

Os alumnos que queiran comezar estudos oficiais no próximo curso, teñen de prazo até o día 15 de xuño para se inscribir. O martes día 16 de xuño ás seis da tarde celebraranse na Casa da Música as probas de acceso a 1º curso de grao elemental de música.