Uns 400 padexeiros participarán na Copa de España de 500 e 200 metros

Case 400 padexeiros, a metade deles galegos, participarán estea sábado e domingo na Copa de España de 500 e 200 metros, a terceira competición da tempada valedoira para a liga Nacional de Pista Hernando Calleja. O Kaiak Tudense defenderá o primeiro posto que ocupa na clasificación provisional. Á cita en Verducido acudirán os mellores padexeiros nacionais.

Galicia volverá estar amplamente representada con 23 clubs. As probas iniciaranse o sábado á primeira hora da mañá coas regatas de 200 metros na modalidade individual, tanto en kaiak como en canoa. Pola tarde disputaranse as de cincocentos metros. Para a xornada do domingo queda a disciplina de barcos dobres nas dúas distancias.

Rubén Millán, Óscar Carreira, Roi Rodríguez, Brais Casas, Diego Piña, Adrián Sieiro, Alex Bernárdez, Carlos Pérez Rial, Rodrigo Germade, Alex Bernárdez, Óscar Graña, Ana Varela, Tania Fernández, Jenifer Casal, Raquel Rodríguez ou Cristina Noya son algúns dos deportistas galegos que acudirán á proba. Disputarán varias distancias, tanto a nivel individual como nos barcos de dous padexeiros.

Na Copa de España de 1.000 metros, que se disputou en Trasona, o Kaiak Tudense afianzou o seu liderado e aspira a mantelo. Para iso deberá loitar ante o Aranxuez e o Náutico de Sevilla. Os tudenses inscribiron nesta competición a 24 deportistas. A Cidade de Pontevedra acode con 12, o mesmo que a Ría de Aldán. As Torres Romaría Viquinga presentar dez nas saídas. Pontecesures, Betanzos e Fluvial de Lugo acoden a Verducido con oito deportistas.