Unha muller ferida nun atropelo na Coruña

Unha muller resultou ferida nun atropelo rexistrado na mañá deste mércores na Coruña e dúas persoas leves nunha saída de vía ocorrida na localidade coruñesa de Curtis. O atropelo tivo lugar sobre as 9,00 horas á altura do número 20 da Avenida Gran Canaria, na Coruña, segundo datos facilitados polo 112.

Ao lugar, segundo sinalaron fontes sanitarias, o 061 desprazou unha ambulancia asistencial que trasladou ao Hospital Modelo á muller ferida, C.S., duns 49 anos. Sobre as 8,55 horas sucedeu a saída de vía dunha furgoneta no quilómetro 659 da estrada N-634 ao seu paso polo municipio coruñés de Curtis. No lugar dúas persoas foron atendidas por unha ambulancia do 061, tras o que pediron a alta voluntaria e non requiriron traslado a un centro sanitario.

TÚNEL

Por outra banda, sobre as 7,30 horas deste mércores o 112 foi alertado dun accidente na estrada N-120 dirección Ponferrada no túnel da Barosa no municipio ourensán de Rubiá, ao chocar un turismo contra un muro.

O 061 mobilizou unha ambulancia asistencial que atendeu no lugar a un mozo duns 26 anos, que pediu a alta voluntaria, segundo indicaron fontes sanitarias.