Un home ferido nun accidente en Agolada

A colisión de dous turismos rexistrada na mañá deste xoves saldouse cun home ferido no termo municipal de Agolada (Pontevedra). O sinistro tivo lugar pasados uns minutos das 9,00 horas na estrada PO-840 que une Melide e Agolada, ao seu paso polo segundo municipio, segundo datos facilitados polo 112. Foron mobilizados a Garda Civil de Tráfico e Urxencias Sanitarias. En concreto, ao lugar o 061 desprazou unha ambulancia asistencial que trasladou a un home a un centro hospitalario, segundo sinalaron fontes sanitarias.