Tres condutores imputados en Vigo por taxas de alcol positivas

A Policía Local de Vigo imputou na madrugada deste xoves a tres condutores, dous homes e unha muller, que circulaban cos seus vehículos por distintas zonas da cidade olívica superando a taxa máxima de alcol permitida.

Segundo informou a Policía Local, a primeira denuncia interpuxérona á 1,30 horas no cruzamento entre as rúas San Roque e Ruiseñor, cando unha muller que conducía un turismo deu na proba de alcoholemia resultados positivos de 1 mg/l e 0,95 mg/l, polo que se lle instruíron dilixencias por un presunto delito contra a seguridade viaria.

O segundo condutor denunciado, un home de 55 anos, foi localizado ás 2,00 horas na Rúa Fotógrafo Xosé Gil, onde se lle practicou a proba de alcoholemia e arroxou en ambos os intentos resultados positivos de 0,57 mg/l, polo que foi denunciado administrativamente.

Finalmente, sobre as 4,00 horas entre García Barbón e Alfonso XIII os axentes realizáronlle a proba a un home de 63 anos que conducía un turismo. O home tamén deu positivo, con resultados de 0,44 e 0,42 mg/l, polo que se lle impuxo unha sanción administrativa.