Permanece activo un incendio forestal en Vilariño de Conso
Un incendio forestal permanece activo na mañá deste mércores no termo municipal de Vilariño de Conso (Ourense), onde queimou unhas 50 hectáreas. Segundo informou a Consellería do Medio Rural e do Mar, o lume comezou ás 23,49 horas do martes na parroquia de Chaguazoso, en Vilariño de Conso.
As estimacións provisionais apuntadas polo departamento de Medio Rural sitúan a superficie afectada polo incendio nunhas 50 hectáreas de monte raso. Nos traballos de control deste incendio participan cinco axentes forestais e 13 brigadas.