O conservatorio de Vilagarcía abre o prazo para inscribirse nas probas de acceso para o curso 2015/16

O Conservatorio Municipal de Música de Vilagarcía abre o luns, 11 de maio, o prazo de matriculación nas probas de acceso para o Grao Elemental e Profesional. O centro dispón de 31 prazas vacantes para o curso 205/16 nun total de 11 especialidades instrumentais que se reparten entre os dous graos das ensinanzas regradas.

A superación das probas é imprescindible para poder acceder aos primeiros cursos, tanto do grado elemental como do profesional. Os alumnos que obteñan a maior puntuación nos seus respectivos exames serán os que se admitirán. As probas de acceso aos dous cursos celebraranse na segunda quincena do mes de xuño 2015, comezando o luns día 15.

O número de prazas vacantes dispoñibles no grao elemental para o vindeiro curso é de 13 que se reparten entre 9 especialidades instrumentais: clarinete (2), gaita (1), guitarra (1), piano (3), saxofón (1), trombón (1), trompa (1), trompeta (1), violín (2)).

No grao profesional, ofértanse un total de 18 prazas distribuídas en 8 instrumentos: piano (3), Guitarra (3), Frauta (3), clarinete (3), violín (2), gaita (2), percusión (1) trompeta (1).

Os interesados dispoñen de prazo ata o 11 de maio para formalizar a matrícula nas probas de acceso para o cal deberán dirixirse as oficinas do Conservatorio sitas no primeiro andar do Auditorio, en horario de 10 a 13:30 horas e de 16 a 20:0 horas. As taxas para realizar os exames son de 31,20 euros para o Grao Elemental e 83,20 para o Profesional.

Para dispor de máis información sobre o procedemento de matrícula e o temario e metodoloxía das probas, os interesados poden dirixirse á web http://www.conservatoriovilagarcia.es , ou ben dirixirse ás oficinas do Conservatorio.