O Concello de Ribadumia premiará os tres mellores deseños das camisetas da Festa do Viño Tinto

A programación da XLIII Festa do Viño Tinto do Salnés inclúe un ano máis o concurso que premia as mellores camisetas das peñas da zona. De todos os presentados, premiaranse os tres mellores deseños tendo en conta a orixinalidade do debuxo e do mensaxe.

Entre os mellores deseños, repartiranse 350 euros: 200 para o primeiro, 100 para o segundo premio e 50 no caso do terceiro. Para participar, cada peña deberá presentar o seu deseño no Concello de Ribadumia antes das 14:00 horasdo venres 29 de maio. Os premios entregaranse o sábado 6 de xuño, ás 17:30 horas no Pavillón de Barrantes.

Coa presentación da camiseta, deberase entregar nun sobre pechado os seguintes datos:

Nome da peña
Nome dos seus integrantes
Teléfono de contacto
Lema da camiseta

As peñas deberán estar compostas por un mínimo de cinco membros e poderase presentar como máximo un deseño.

Stands nas festas

Continúa aberto o prazo para que todos os colleiteiros interesados en participar na venta de viño soliciten a súa participación nos stands de venda. Para participar deberán presentarse polas dependencias municipais ou con calquera dos membros da Comisión de Festas antes do próximo 22 de maio. Os postos de venda de viño estarán situados na carpa habilitada na Avnida Bouza Martín.