O Concello de Ribadumia informa da apertura do prazo para o Programa de Turismo do Imserso

O Concello de Ribadumia quere informar ós seus veciños que abriu o prazo de inscrición para a reserva de viaxes destinados á Terceira Idade para a tempada 2015/2016.

Os requisitos para acceder a este programa son os seguintes:

– Ser pensionista do Sistema Público Español de Pensións por xubilación.
– Ser pensionista de viuvez e ter 55 anos cumpridos
– Pensionistas por outros conceptos, ou perceptor de prestacións ou subsidios de desemprego, en todos os casos, con 60 anos cumpridos.
– Ser titular ou beneficiario do Sistema de Seguridade Social con 65 anos cumpridos.

Os interesados poderán reservar praza en destinos distribuídos por todo o territorio nacional e poderán elixir entre: a zona costeira peninsular – que abarca Andalucía, Cataluña, Comunidad Valenciana e Murcia-, a zona costeira insular – Canarias e Illas Baleares-, ou en turismo de interior con actividades como circuítos culturais, turismo de natureza, viaxes a capitais de provincia e viaxes ás cidades autónomas de Ceuta e Melilla.

O prezo do viaxe oscila entre os 100 e 400 € dependendo dos días e da tempada (alta pu baixa), e inclúe o aloxamento, pensión completa (excepto en viaxes a capitais de provincia que inclúen réxime a media pensión), e transporte (excepto nas modalidades que non teñen e en viaxes a capitais de provincia).

Os interesados poderán ir acompañados dos seus cónxuxes ou das súas parellas de feito, sen ter estes que cumprir cos requisitos antes sinalados. Unha vez concedida a praza polo IMSERSO, o interesado será o encargado de xestionar a praza coa axencia de viaxes correspondente.

Os interesados no programa poden dirixirse ó departamento de Servizos Sociais do Concello de Ribadumia antes do 3 de xuño para pedir a súa solicitude.