O Concello de Oleiros insta a Fomento a que culmine a mellora da seguridade viaria na curva de Biona

O Alcalde de Oleiros, Ángel García Seoane, reiterou esta mañá a petición ante o Ministerio de Fomento para que remate a obra de mellora da seguridade viaria na N-VI á altura de O Seixal. A pasada semana o concelleiro de Obras Públicas dirixiuse aos responsables do Ministerio para solicitar que conclúa de forma inmediata a obra prometida fai máis de tres meses tralo alto nivel de siniestralidade que se segue rexistrando neste punto. Fomento non comunicou unha data concreta para realizar a instalación dos separadores de carril que impidan fisicamente que os vehículos crucen a liña continua. O Concello continuará reclamando a execución desta necesaria obra ata que o Goberno cumpra co acordado.