Nigrán dá o pistoletazo de saída ao complexo deportivo no parque empresarial

Nigrán asina o contrato para a redacción dun estudo de viabilidade para a instalación dun complexo deportivo no parque empresarial por valor de 36.239,5 euros. A elaboración deste estudo permitirá determinar as necesidades do municipio en materia de infraestruturas e instalacións deportivas, tanto actuais como de futuro.

A realización deste estudo supón o primeiro paso para dotar a Nigrán dunhas instalacións deportivas que dean resposta á demanda dos veciños e veciñas do municipio, e da comarca, cubrindo as necesidades en materia deportiva do municipio nos próximos lustros.

A instalación dun complexo deportivo na contorna de Porto do Molle permitirá ademais potenciar o parque empresarial ao dotalo de novos servizos para os seus usuarios, converténdoo nun referente do sur da provincia de Pontevedra, tamén no ámbito deportivo.

Así mesmo, a redacción deste estudo determinará o modelo de xestión máis adecuado para ditas infraestruturas, que poderá ser unha fórmula mixta entre xestión pública e concesión administrativa, e elaborásense todos os pregos tecnicos precisos para todos os trámites administrativos pertinentes ata a construción final das infraestruturas deportivas que se determinen necesarias no estudo.