Neda acondiciona dous lavadoiros en Casadelos e Cobeluda cunha achega da Deputación
O alcalde, Ignacio Cabezón Lorenzo, informou esta mañá do remate das obras de acondicionamento dos lavadoiros de Curuxeiras, en Casadelos, e da Roquiña, na Cobeluda. Intervencións que o Concello de Neda levou adiante grazas a unha subvención procedente da Deputación provincial da Coruña.
Os traballos consistiron na instalación de sendas cubertas nestas infraestructuras, así como na limpeza e adecentamento do entorno. No seu conxunto, a subvención ascendeu a 11.000 euros.