Medio centenar de estudantes do IES Elviña visitarán lugares emblemáticos de Ferrol con “Proxecto Terra”

Ferrol acollerá pasadomañá venres a visita dun grupo de escolares do IES Elviña, en A Coruña, dentro do programa educativo “Proxecto Terra” impulsado polo Colexio Oficial de Arquitectos de Galicia (COAG). Un total de 45 estudantes percorrerán diferentes lugares emblemáticos da cidade no marco desta proposta educativa que conta coa colaboración da Concellería de Turismo do Concello de Ferrol, que dirixe María del Carmen García Fraga.

Este grupo de escolares visitarán durante a xornada do venres 22 as instalacións de Exponav, a Aula de Ecoloxía Urbana ou o barrio histórico de A Magdalena. Tamén gozarán dun paseo en barco pola ría ferrolá até o Castelo de San Felipe, onde visitarán a fortaleza. “Proxecto Terra” ten como obxectivo contribuír a que os estudantes melloren o seu coñecemento sobre os espazos, a arquitectura e o territorio galego. 

Ademais, Ferrol volverá a recibir a visita de escolares que coñecerán o patrimonio histórico e arquitectónica da cidade. Máis concretamente, a próxima visita no marco deste programa educativo está prevista para o vindeiro día 29 de maio e participará o IES Salvaterra.