Jorge Portela renuncia como candidato de Ciudadanos en Vigo

A executiva de Ciudadanos en Vigo anunciou que Jorge Luis Portela, ata agora cabeza de lista da formación na cidade de cara ás próximas eleccións, formalizou este mércores ante a Xunta Electoral a súa renuncia como candidato e será relevado pola que era o seu ‘número dous’, María Josefa Casado.

Tal e como informou o partido nun comunicado, esta decisión de Portela débese a motivos “estrita e absolutamente persoais”, que o imposibilitan a afrontar “con normalidade toda a esixencia e dedicación que require unha campaña electoral de tal magnitude”.

A agrupación local de Ciudadanos en Vigo, que xa este martes en declaracións adiantara que se Portela non puidese continuar coa campaña o seu ‘número dous’ sería o “encargado de coller as rendas”, agradeceu a Casado a súa “implicación” ao aceptar ser a candidata e asumir a responsabilidade da campaña, onde só restan 11 días ata os comicios.