Escuadra17 Teatro estrea o musical familiar ‘O Camiño de Santiago’ en Nigrán

A compañía teatral Escuadra17 Teatro estrearáo seu novo espectáculo musical ‘O Camiño de Santiago’este sábado, 16 de maio ás 18:30h no Salón de Actos da Casa do Concello de Nigrán. Esta nova proposta, que se representarápor vez primeira para o público nigranense, mestura o teatro de actor coa manipulación de monicreques e obxectos, e conta con unha banda sonora orixinal cantada en directo para facer partícipes aos máis pequenos no espectáculo.

‘O Camiño de Santiago’conta a historia de dous irmáns, Santiago e Mariña, que dada a diferenza de idade, non se entenden nin se levan ben. Unha noite, cando os dous quedan durmidos, atoparanse no medio dun soño que os levarána procura do Castelo (a Catedral de Santiago) para atopar o tesouro escondido. Nese camiño, os dous pequechos irán vivindo mil aventuras, e os personaxes dos contos de Santiago cobrarán vida. Apareceráunha Carapuchiña Vermella que fala inglés, e que lle ensinaráaos cativos as cores neste idioma, un Gato con Botas moi afrancesado e o mítico Pinocho e o seu acento italiano. Cando a viaxe remate, os irmáns espertarán ao día seguinte unidos, cambiados e finalmente encontrados.

Compañía galego-andaluza

Os encargados de poñer en marcha esta particular montaxe son os dous integrantes da compañía Escuadra17 Teatro, con raíces en Galicia e en Andalucía, onde deron os seus primeiros pasos. O redondelán Paulo Medal interpretaráa Santiago, mentres que a sevillana Almudena Zurita seráa particular irmán menor. Todo baixo as indicacións de Tatán R. Cunha, director da obra e integrante da compañía Tanxarina Títeres.