Deteñen a unha condutora en Vigo que circulaba ebria e co permiso retirado

Axentes da Policía Local de Vigo detiveron este venres a unha muller de 36 anos de idade, E.A.G., como presunta autora dun delito contra a seguridade viaria, ao circular baixo os efectos do alcol e co permiso retirado.

Os feitos tiveron lugar na madrugada deste venres cando unha dotación do 092 sorprendeu a esta condutora no Camiño Chouzo circulando en dirección contraria. Ao darlle o alto, os axentes decatáronse de que a moza tiña síntomas de embriaguez, polo que se requiriu a presenza dunha dotación para realizarlle un test de alcoholemia.

A Policía comprobou que a muller tiña o permiso de conducir suspendido temporalmente. Ademais, cando se lle ía a realizar a proba de alcoholemia, a condutora negouse, polo que foi detida.