Deteñen a un vigués ao que lle constaba unha orde de procura e detención por quebrantar unha orde de afastamento

Axentes da Policía Local de Vigo detiveron a un veciño da cidade, de 29 anos de idade, ao que lle constaba unha orde de procura, detención e personación xudicial por quebrantar unha orde de afastamento. Tal e como informou a Policía Local, os feitos sucederon ás 21,55 horas deste martes, cando unha dotación do servizo de Seguimento de Vítimas de Malos Tratos, EVAP, deu un aviso para que unha patrulla se trasladase ata un establecemento público da rúa Fragoso.

Os efectivos comprobaron que no lugar atopábase un home sobre o que pesaba unha orde de procura, detención e personación xudicial ditada polo Xulgado de Violencia sobre a Muller número un de Vigo por quebrantar unha medida de seguridade, polo que procederon á súa detención.