Enviar a un amigo
Opinar
ImprimirCinco restaurantes participan na Festa Gastronómica do Choco de Redondela
Presentación da Festa do Choco de Redondela
Este ano 2015 celebrase a XXIX Edición da Festa Gastronómica do Choco de Redondela, tantos anos como ten a propia Asociación de Empresarios, xa que esta entidade foi a que fixo nacer este evento. Cabe destacar o esforzo por manter os prezos, nesta edición na que os prezos do produto cotizan á alza, o prezo dos pratos e ración mantéñense como en anos anteriores en 8€.
Participan nesta edición 5 restaurantes:
– Restaurante Casa Rei (Asador Soriano)
– Mesón o Tella
– Tapería O Tranquilo
– Tapería a Cova
– Cafetería Venus
Estes restaurantes presentan unha oferta gastronómica 100% Choco de Redondela como así acredita o certificado de compra que dende a organización se esixe como condición necesaria para poder estar nesta Festa Gastronómica.
Ademais dos tradicionais pratos de Chocos na súa tinta con arroz ou cachelos ou chocos á prancha este ano estes restaurantes sorprenderan con novas propostas que poñen de manifesto o esforzo da hostalaría por seguir superándose. O programa de festas tamén recolle o menú que ofrece cada restaurante e a carta de prezos.
A carpa da Festa será un gran restaurante que poderá atender á vez a case 700 comensais, atendida por máis de 50 camareiros e uns 15 cociñeiros. A carpa estará aberta para a desgustación dende o sábado ás 12:00h da mañá en horario continuado e o domingo dende as 10:30h.
Cóntase cunha crecente oferta de propostas complementarias, baseadas fundamentalmente en postes e elaboracións para levar.
Concurso Gastronómico, como novidade este ano contaremos coa colaboración de Carmen Albo, que guiará e presentará o concurso gastronómico. A presentación de pratos poderá realizarse ata as 12:30h, hora a que dará comezo a degustación dos pratos que se presenta a concurso.
O amplo programa de actuación complementarase con visitas á illa de San Simón, demostracións de cociña en vivo, verbenas, atraccións infantís, exposicións de coches clásicos e motos, feira de artesanía e un logo.
