Benestar Social de Nigrán informa do prazo para o programa de vacacións para maiores

A Concellaría de Benestar Social do Concello de Nigrán, informa que o IMSERSO, iniciou unha nova convocatoria durante a tempada 2015/2016 do PROGRAMA DE VACACIÓNS PARA MAIORES, que inclúe os seguintes destinos: Península e Baleares, Canarias, Circuítos Culturais e Turismo de Natureza.

Para poder participar neste programa débese ter como mínimo 65 anos ou pensionista con 60 anos ou de viuvez con 55 anos cumpridos. Tamén se admiten como acompañantes os fillos con discapacidades cuxo grao de minusvalía sexa igual ou superior ao 45%.

O prazo para presentar as solicitudes termina o 2 de xuño.

Para maior información poderán dirixirse ao Departamento Municipal de Servizos Sociais de Nigrán, ou chamar ao número 986.365.000- ext. 4. Solicitar Cita Previa.