Apertura do prazo de inscrición para o Campus de Fútbol AFAC “Verán 2015”

A Asociación de Fútbol Afeccionado da Coruña (AFAC) organiza os meses de xullo e agosto o Campus de Fútbol AFAC “Verán 2015”. O campus terá lugar na Cidade Deportiva da Torre de luns a venres en horario de 09.30 horas a 14.00 horas, é dicir, comezará media hora antes do habitual como gran novidade para este verán; e está aberto a nenos e nenas de idades de 5 a 13 anos. A AFAC oferta 240 prazas por quenda, dentro das cales se creará un grupo específico para porteiros. O prazo de inscrición comezou onte e estará aberto ata cubrir as prazas ofertadas. O custo do campus será de 95 €uros sen transporte ou de 105 €uros con transporte.