AGE pide unha investigación oficial sobre o crime machista acontecido no CHUO
A deputada de Alternativa Galega de Esquerda (AGE) condenou “enerxicamente” o crime machista acontecido en Ourense e solicitou unha “investigación oficial” sobre o acontecido no Complexo Hospitalario Universitario de Ourense (CHUO). A deputada Eva Solla destacou a necesidade de “non escatimar medios” na loita contra lácraa da violencia machista e “feminicidios”.
“Un novo caso de violencia machista que deixa de manifesto a necesidade de protexer e non escatimar medios á hora de acabar con este grave problema social, que está a custar a vida de mulleres do noso país”.
Para Eva Solla, é un suceso que “causa aínda máis conmoción”, toda vez que foi acoitelada cando estaba ingresada nun hospital, polo que solicita “unha investigación oficial que aclare o acontecido”.