A Romaría das Persoas Maiores celébrase en Fexdega o 20 de xuño

Fexdega volverá a acoller este ano a Romaría das Persoas Maiores, unha entrañable celebración que se celebra dende hai 22 anos. A festa terá lugar o sábado, 20 de xuño, e contará con todos os ingredientes que caracteriza a este multitudinario evento: gastronomía, música, baile e concursos. Un total de 550 comensais poderán participar na romaría.

A Concellería das Persoas Maiores organiza e subvenciona este encontro de verano a efectos de que os asistentes poidan gozar da xornada de diversión a un prezo asumible pro todos os petos. As entradas xa se poden adquirir a 6 euros no departamento que dirixe Ángeles Rodríguez.

O almorzo preparado para a ocasión componse de empanadas variadas, mexillóns ao vapor e carne ao caldeiro con patacas. A comida poderá regarse con viño, auga mineral ou refrescos. De sobremesa servirase larpeira e para rematar haberá café con ou seu gotas e licores.

A festa en Fexdega comezará a mediodía. A romaría estará amenizada polo conxunto musical “Os Tres Latinos”. Entre as actividades programadas est´`an os tradicionais concursos de baile, rá e chave e tamén se renderá homenaxe ao home e á muller de maior idade presentes na festa.