A praza de España acollerá este sábado unha xornada multiactividade para maiores e pequenos

A concelleira de Deportes do Concello de Ferrol, Susana Martínez Galdós, presentou esta mañá a “Xornada Multiactividade” que se desenvolverá pasadomañá sábado, día 9 de maio, na praza de España. Esta proposta deportiva e lúdica está dirixida a todo o público, tanto adulto como infantil, e terá lugar en horario de mañá. A edil ferrolá estivo acompañada por Antonio Salazar, responsable da empresa Serviocio, organizadora deste evento xunto co Concello de Ferrol.

Así as cousas, a xornada multiactividade gratuíta programada pola Concellería de Deportes incluirá bodycombat, defensa persoal, zumba e merengue para os adultos; mentres que os máis pequenos poderán participar en talleres infantís, baile moderno ou patinaxe. Tamén haberá hinchables en horario de 10 a 13 horas. Concretamente, as actividades lúdico-deportivas que se desenvolverán pasadomañá sábado na praza de España e os horarios son os seguintes:

10:00 a 10:45 horas

– Bodycombat para adultos.

– Talleres infantís.

10:45 a 11:30 horas

– Defensa persoal para adultos.

– Baile moderno infantil.

11:30 a 12:15 horas

– Zumba para adultos.

– Patinaxe infantil.

12:15 a 13:00 horas

– Merengue para adultos.

– Talleres para os máis pequenos.