A Concellería de Medio Ambiente de Ourense presenta a nova imaxe do Parque de Montealegre

Nova imaxe do Parque Botánico de Ourense

O deseñador ourensán Miguel Ángel García Chaler é o gañador do concurso para o deseño da imaxe do Parque de Montealegre, convocado pola Concellería de Medio Ambiente e valorado cun premio de 1.500 euros. Así o decidiu o xurado do concurso reunido o pasado mércores 29 de abril, que valorou no deseño a referencia ao carácter integrador do recinto como lugar de goce, divulgación e investigación da natureza.

A concelleira de Medio Ambiente, Susana Bayo, e o gañador do concurso, Miguel Ángel García Chaler, presentaron esta mañá no propio parque a nova imaxe e explicaron con detalle o proceso polo que se chegou a este deseño final. Ao concurso presentáronse un total de 13 traballos, procedentes na súa maior parte de Galicia.