A Casa de Cultura Salvador de Madariga acolle as fotografías de García de Marina e Román Montesinos

A Concellaría de Cultura  informa da inauguración, hoxe ás 20.00 horas, da exposición de fotografías de García de Marina e Román Montesinos Racionalizando o irreal, que se poderá visitar na Casa de Cultura Salvador de Madariaga ata o 26 de xullo de 12.00 a 14.00 horas e de 18.00 a 21.00 horas, todos os días. 

Desde Asturias -García de Mariña- e desde A Coruña –Román Montesinos-  achégannos a outra forma de mirar a realidade, ou a irrealidade. Ambos constrúen mediante a fotografía metáforas visuais.

A modo de poemas visuais, trinta pezas de cada un deles. Os temas son múltiples e as composicións empregan-reinterpretan obxectos cotiáns. Algunhas nos debuxarán un sorriso, pero todas farannos pararnos e pensar.