A Casa da Cultura de Verín convértese en cine para o entretemento de menores de 2 a 6 anos

A Tropa de Trapo na Selva do Arco da Vella, longametraxe de animación (74 minutos) para un público de idades comprendidas entre 2 e 6 anos, pecha, o domingo día 10 de maio, as cinco da tarde, na Casa da Cultura, o ciclo de primavera de proxeccións de Cinemas de Galicia en Verín.

A película foi nominada aos Premios Goya, ao Premio Gaudí e á Medalla CEC (Círculo de Escritores Cinematográficos, que agrupa a informadores, escritores e crítica especializada) á Mellor Película de Animación 2015.

A última e divertida aventura cinematográfica de A Tropa de Trapo leva a este simpático grupo á Selva do Arco da Vella, para axudarlle a recuperar as súas cores. A contaminación na terra fíxolle perder o seu brillo orixinal. De seguir así a cousa poderían incluso desaparecer as cores do Arco da Vella, algo que A Tropa de Trapo non pode permitir.

Entre os nenos e nenas que asistan á proxección sortearanse 10 DVD da primeira longametraxe de A Tropa do Tropa.