Variedade teatral na proposta cultural da fin de semana en Cerdedo
Este sábado 11 de abril ás 19.30 horas no Centro Cultural de Cerdedo os alumnos da escola municipal de teatro representarán 2 obras, por unha banda “A verdadeira historia da Princesa Blancanieves” a cargo do grupo infantil e por outro “O enfermo imaxinario” a cargo do grupo xuvenil. A entrada é totalmente gratuíta a estas obras representadas polos propios veciños de Cerdedo.
ITV agrícola
Igualmente infórmase que o próximo 16 de abril de 9 a 13.30 e de 15 a 18 h. a unidade móbil de inspección técnica de vehículos agrícolas desprazarase ao municipio cerdedense para prestar este servizo de inspección. A unidade estará situada na Rúa das Longas detrás do cuartel da Garda Civil.