Uns 2.000 escolares de primaria e secundaria de Ferrol participarán en “Cinensino”

A Concellería de Benestar Social do Concello de Ferrol, que dirixe Rosa Martínez Beceiro, continúa a vindeira semana co Programa de “Cinensino 2014-2015”. Un total de 1.980 estudantes de Primaria e Secundaria, pertencentes a unha vintena de centros educativos do termo municipal, participarán entre os días 5 e 8 de maio nestes programas para a prevención do consumo de sustancias e outras adicións así como a formación en valores.

Así, o martes e mércores o Teatro Jofre acollerá a proxección da película “El medallón perdido” para escolares de 4º, 5º e 6º de Primaria. Están programadas dous pases, o primeiro ás 10 horas e o segundo ás 12 horas; e posteriormente, os estudantes traballarán a unidade didáctica “A persecución dun sono” na aula.

En canto ao programa “Cinensino 2014-2015”, dirixido ao alumnado de 1º e 2º de Educación Secundaria Obrigatoria (ESO), o Jofre acollerá os vindeiros xoves e venres, días 7 e 8 de maio, a proxección da película “The Kings of Summer”. Os estudantes verán este film en dous pases, ás 09:30 e ás 12:00 horas; e traballarán posteriormente na aula a unidade didáctica “Relacións familiares satisfactorias e fluidez na comunicación pais – fillos ”.