Unha muller tivo que ser atendida por un incendio na súa vivenda na Coruña

Unha muller resultou afectada por inhalación de fume tras incendiarse o salón da súa vivenda na cidade da Coruña, debido ao que foi atendida por persoal sanitario. Segundo informou o 112, o incendio rexistrouse sobre as 20,00 horas do luns nunha casa situada na praza Esteban Lareo na cidade da Coruña.

O CAE 112 Galicia foi alertado polo persoal da Cruz Vermella deste incendio, así como por varios particulares, que indicaron que había xente que pedía axuda.

Por iso deuse aviso a Urxencias Sanitarias, Policía Local e aos Bombeiros da Coruña que, desprazados ao lugar e extinguido o lume, confirmaron que ardeu un salón por completo. Segundo indicaron, o incendio iniciouse nun sofá e o resto da vivenda viuse afectada o fume.

O 061 desprazou ao lugar unha ambulancia asistencial que atendeu in situ á muller, de 32 anos, que pediu a alta voluntaria e non requiriu traslado, segundo sinalaron fontes sanitarias.