Un grupo da FANPA de Pontevedra fará o roteiro Castelao o domingo

Un grupo de familias da FANPA de Pontevedra, 65 persoas, fará este domingo (día 26 de abril) o roteiro Castelao polas rúas da zona histórica de Pontevedra. A saída está prevista para as 11 horas desde a praza da Ferraría. A actividade inclúe unha visita á Sala Castelao do Museo de Pontevedra e ao edificio modernista da Fundación Caixa Galicia, onde se situaba o Café Moderno.

O Concello de Pontevedra segue a ofrecer estas visitas guiadas pola Pontevedra máis vencellada a Castelao, co obxecto de ligar o uso da lingua galega aos espazos urbanos da cidade, recuperar e difundir a memoria histórica inserida no contorno xeral da historia de Galicia e dinamizar os usos orais da lingua galega no ámbito urbano.

Por mor da climatoloxía adversa, ou por outras circunstancias, esta visita podería sufrir modificacións. De ser así, procuraremos mantelos informados.