Rival de altura en terceira para o Burela

Tras o descanso da Semana Santa, o Burela FS Pescados Rubén B retoma a competición de Terceira División o sábado, coa visita dun rival de altura a Vista Alegre na 22ª xornada. Ás 18.00 horas, A Estrada FS saltará a pista laranxa defendendo a segunda praza (45 puntos) ao axexo do líder, Pizzería A Fuga SD Xove FS (48 puntos).

O cadro de Juanma Marrube volve á liga como décimo clasificado (26 puntos) co obxectivo de seguir na súa boa senda, tras o empate con Prone Lugo (5-5) e as vitorias con Troula FS (4-3) e Superti A Pontenova (1-4), e sacar algo positivo a pesar da complexidade que supón a cita.