Ponte Caldelas convértese esta fin de semana na capital galega do dominó
Máis de medio centenar de parellas de toda Galicia danse cita este sábado 25 de abril en Ponte Caldelas para disputar o VI Torneo Open de Dominó Concello de Ponte Caldelas que organiza a A.C.R. Verdugo e a Federación Galega de Dominou e que acolle a Discoteca Mica.
O torneo dispútase na modalidade de parellas e por equipos sendo, na primeira das categorías, o primeiro premio 200 euros e trofeo para os gañadores; os segundos clasificados recibirán 100 euros e un trofeo; os terceiros, 70 euros e un trofeo. En canto á clasificación por equipos, o primeiro levará 300 euros, o segundo 200 e o terceiro, 100 euros, respectivamente.
O torneo dispútase polo sistema de primeira rolda a sorteo e os seis seguintes polo coñecido como sistema suízo, coa regulamentación vixente da Federación Española de Dominó, que establece un tempo máximo de duración de 55 minutos ou 350 puntos.
Pola mañá, a partir das once, as parellas inscritas participantes disputaron 3 roldas, ata as 14 horas momento no que se fixo un receso no campionato para gozar dunha comida de confraternidade entre todos os asistentes, en Churrasquería A Fonte, de Ponte Caldelas. A partir das 16:10 horas renovouse o torneo coa disputa doutras catro roldas que teñen previsto finalizar sobre as 20 horas.
O Comité de Honra do torneo está presidido polo alcalde, Perfecto Rodríguez, e o organizador por José Benito Lorenzo Lois (Richard) e Rafael Villariño Garrido, da A.C.R. Verdugo e as partidas serán disputadas en aberto o que significa que o público que así o desexe pode achegarse ata a Discoteca Maci e contemplar as partidas, mantendo un silencio absoluto e as elementais normas de civismo e educación que cabe esperar nun evento destas características.