Permanece aberto o prazo do programa Termalismo Social

O Concello de Ribadumia quere informar ós seus veciños que continúa aberto o prazo para solicitar prazas no programa de Termalismo Social dirixido á terceira idade e ás persoas con discapacidade. O prazo continuará aberto ata o 17 de maio para a quenda dos meses entre setembro e decembro.

Os requisitos para acceder a este programa son os seguintes:

– Ser pensionista do sistema público de pensións por xubilación, invalidez ou viuvez con idade igual ou superior ós 60 anos.
– Non padecer alteracións do comportamento que impidan a convivencia nos establecementos nin enfermidade contaxiosa
– Precisar os tratamentos termais solicitados e carecer de contraindicación

Os interesados poderán reservar praza nos balnearios de todo o territorio nacional co desconto pertinente por terceira idade. En Galicia poderán solicitar praza en 19 balnearios repartidos polas catro provincias. En Pontevedra ofértanse sete balnearios distribuídos por Caldas de Reis, Caldelas de Tuy, Cuntis, a Illa da Toxa e Merza – Vila de Cruces.

Os interesados poderán ir acompañados dos seus cónxuxes ou das persoas con quen conviva en relación de parella, á que non se lle esixe obriga de percibir pensión

Os interesados no programa poden dirixirse os martes e xoves ós Servizos Sociais do Concello de Ribadumia.

Por outro lado, recordar tamén que o día 30 de este mes remata o prazo para presentarse no programa diurno de balnearios “Coidarte”, posto en marcha pola Deputación de Pontevedra. O programa consiste en pasar dúas horas diarias durante cinco tardes seguidas en algún dos talasos ou spas ofertados da nosa provincia: Mondariz, A Toxa, Cuntis, Oia, Moaña e Silleda.

O programa da Deputación vai destinado ás persoas de 50 anos en diante, os pensionistas e persoas que precisan dun respiro familiar. Os interesados teñen ata o 30 de abril para inscribirse nos Servizos Sociais do Concello de Ribadumia.