Os xogadores do Rio Natura Monbus Obradoiro contáxianse do optimismo de Cenor

Os xogadores do Rio Natura Monbus Obradoiro, Daniel Miller, Keaton Nankivil e Fran Cárdenas foron hoxe tres dos invitados do Grupo Cenor no “Compostela Gastronómica”, un festival de cociña que se celebra na cidade durante este fin de semana.

O membro do Club de Empresas Obradoiro organizou, en colaboración con varios establecementos do sector servizos como o Pazo de Altamira, un flashmob que encheu as rúas do centro histórico de globos, sorrisos e agasallos, en consonancia coa campaña actual do grupo: “Contaxiamos optimismo”.

Como clausura, os xogadores do club exerceron de mans inocentes no sorteo de varios agasallos, entre eles, catro entradas dobres para o partido que enfrontará aos obradoiristas ao Unicaja no Fontes do Sar.