Os veciños de Mañón visitarán o complexo medioambiental de Sogama
O Concello de Mañón organiza unha excursión o vindeiro 17 de abril ao complexo medioambiental de Sogama en Cerceda. Contará cun percorrido guiado coas explicacións de técnicos ambientais polas distintas instalacións que conforman a infraestrutura industrial.
Contarase cun xantar reservado para o grupo nun restaurante da zona, un menú composto por primeiro e segundo prato, bebida, sobremesa e café a 12 euros.
Na excursión tamén se visitará a Torre de Hércules na Coruña. Unha visita guiada polo faro romano que é patrimonio da humanidade e incluirá explicacións no Centro de Interpretación e Atención ao Visitante, do entorno do monumento, no parque escultórico e no interior da torre.
A última parada será no Castelo de San Antón, no museo arqueolóxico e histórico da Coruña. Unha visita pola antiga fortaleza construída no século XVI e onde se expoñen pezas prehistóricas e históricas relacionadas co castelo, a cidade e Galicia.
Prezo: 15 € xantar + entradas ás visitas guiadas. Bus de balde.
Inscricións: ata o martes 14 de abril nas oficinas do Concello, na Omix, no correo omixmanon@yahoo.es ou no teléfono 981 41 40 02 indicando nome completo e número de contacto.
Prazas: mínimo de 20 e máximo de 50 persoas. Para maiores de idade. Consultar puntos de saída e horarios.