publicidade hoxe

Oleiros leva a cabo un programa de actividades para escolares do municipio para conmemorar o Día do Libro

PUBLICADO EN: Noticias de GaliciaOleiros
A-
A+

O Concello de Oleiros está a levar a cabo un completo programa de actividades dirixido ao alumnado de primaria e secundaria do municipio para conmemorar o Día do Libro. As actividades desenvolveranse na Biblioteca Central Rialeda, na Biblioteca Municipal Rosalía de Castro de Santa Cruz e na Biblioteca Manuel María de Oleiros. Mañá día 21 de abril na biblioteca de Oleiros realizarase un obradoiro de iniciación ao debuxo a cargo de Santy Gutiérrez, para alumnado de 4º curso de primaria do CEIP A Rabadeira. Os días 22 e 23, na Biblioteca Central Rialeda, levarase a cabo o contacontos “Bailar nas Nubes” por Soledad Felloza, para alumnado de educación infantil do CEIP Valle Inclán.

Tamén os días 22 e 24, na Biblioteca de Santa Cruz, representarase o espectáculo teatral infantil Lobo Bobo. A obra está dirixida ao alumnado de educación infantil, 1º e 2º de primaria do CEIP Isidro Parga Pondal. Así mesmo, o mércores e o xoves na Biblioteca de Oleiros, o ilustrador Manel Cráneo impartirá os obradoiros de iniciación ao debuxo para alumnos e alumnas de 4º de primaria do CEIP A Rabadeira.

Xa por último, o día 23 no Teatro As Torres de Santa Cruz, haberá unha festa especial cun espectáculo interactivo de música, poesía, pintura e danza. Baixo o título Hip Hop Poema Pop o grupo Modestos Contos de Broadway amenizará cun espectáculo dirixido ao alumnado de 5º de primaria do CEIP A Rabadeira.

20 de abril de 2015 | 18:28 • Sen comentarios

Comentarios pechados.