O XI Campionato Galego Absoluto de Esgrima celébrase os días 3 e 24 de maio no polideportivo de Esteiro

A concelleira de Deportes do Concello de Ferrol, Susana Martínez Galdós, presentou esta mañá o XI Campionato Galego Absoluto de Esgrima, que se celebrará os vindeiros días 3 e 24 de maio no Polideportivo de Esteiro. A edil estivo acompañada por Emilio Rilo, secretario e adestrador do Club Ferrolán de Esgrima 3 Armas, equipo que organiza esta proba en colaboración coa Concellería de Deportes do Concello de Ferrol.

Esta competición, en horario de mañá e tarde, desenvolverase na modalidade de Esgrima moderna que consta de tres variedades olímpicas que son a espada, florete e sabre, tanto en categoría masculina como feminina. Como novidade deste ano, as probas serán desputadas tamén por equipo. Máis concretamente, o vindeiro domingo, día 3, terá lugar a proba da modalidade de espada mentres que as variedades de florete e sabre se desputarán o 24 de maio.

Un total de 12 clubs e preto de 100 deportistas, entre os que se atopan actuais medallistas nacionais, participarán neste evento deportivo. “Como as mozas do Club Esgrima O Olivo actuais ouro” destacou Martínez Galdós.