O Local de Música celebra o Fest no que participan oito grupos emerxentes

O Teatro Principal acolle este sábado, a partir das 18.00 horas (as portas abriranse ás 17.00 horas), o Fest organizado polo Local de Música de Pontevedra. O Fest é unha proposta da Concellería de Xuventude, a través do Local de Música, para promover a escena musical emerxente. Busca pór en valor a creación musicial de base nun espazo tan emblemático da cidade como o Teatro principal.

Os grupos participantes son:

• La buena magia

• Marvel PoP

• Cora Sayers

• La Casa de los ingleses

• Test Hammer

• Rëisk

• HAL 9000

• The Soul Breakers

Os obxectivos principais son:

• Presentar á comunidade unha mostra da escena musical independente nun espazo emblemático e representativo da cidade.

• Ofrecer aos grupos noveis oportunidades para darse a coñecer e desenvolver a súa carreira artística.

• Ofrecer aos grupos participantes a oportunidade de conseguir un material audiovisual especial e relevante que apoie á súa estratexia promoción.