O Concello mantén ata o 13 de abril a gratuidade dos dous aparcadoiros municipais do mercado da Magdalena

O Concello de Ferrol mantén até o vindeiro luns, día 13 de abril, a gratuidade nos dous aparcadoiros municipais do Mercado da Magdalena. Cómpre lembrar que a Concellería de Economía que dirixe o edil Alejandro Langtry Caínzos implantou esta medida o día 11 do pasado mes de marzo coindicindo co treito final das obras do colector de saneamento na avenida de Irmandiños, as cales remataron uns días antes do inicio da Semana Santa. Así as cousas, a partir do martes da vindeira semana recuperarse a normalidade no funcionamento destes estacionamentos da praza de abastos central.